URBAN AND TRANSPORT STRUCTURES COMPANY
UTS-01
Themeluar në vitin 2007, kompania UTS-01 ka si qëllim kryesor të punës së saj të ofrojë një shërbim cilësor.
Aktiviteti ynë i përditshëm është kryesisht i fokusuar në tre fusha kryesore të cilat janë: I) hartimi i projekteve arkitekturore dhe strukturore; II) vlerësimi i riskut sizmik dhe vlerësime strukturore; III) studime urbanistike dhe mjedisore.
UTS‐01 disponon paisjet e nevojshme për kryerjen e provave inxhinierike joshkatërruese të betonit si: “Pundit ultrasonic” për matjen e shpejtësisë së përhapjes së valëve (Ultrasonic Pulse Velocity), Sklerometër për kryerjen e “Rebound test”, Profometër (skaner) për skanimin e elementëve për verikimin e sasisë armaturës, matjen e thellësisë së plasaritjes (Crack Depth Measurement), matjen e korrozionit (Steel Rebar Corrosion Measurement), si dhe provave gjysmëshkatërruese dhe joshkatërruese të muraturës si: Piston hidraulik që shërben për vlerësimin e rezistencës në prerje të muraturës dhe “Mortar Penetrometer” për vlerësimin e cilësisë së llaçit.
Shërbimet tona
Projektime të plota të strukturave të banimit, industriale, turistike apo të veçanta; përgatitja e projekteve të veprave infrastrukturore komplekse. Hartimi i projektit elektrik, hidraulik, mekanik dhe MNZ.
Kryerja e studimeve për vlerësimin e riskut sizmik dhe faktorëve kyç të tij: rreziku, ekspozimi, cenueshmëria. Hartimi i akt-ekspertizës së thelluar të ndërtesave për vlerësimin e kapacitetit strukturor të tyre.
Analizë, planifikim dhe vlerësim i zhvillimit urban në kontekstin e ndikimit të tij në mjedisin natyror dhe ndërveprimin me komunitetin. Hartimi i Planeve të Detajuara Vendore dhe Planeve të Detyruara Vendore, kryerja e Vlerësimeve të Ndikimit në Mjedis.
Ekspertët tanë
UTS-01, përmes stafit të saj të ekspertëve me në krye Z. Markel Baballëku, ka arritur gjithmonë të realizojë projektet dhe studimet sado komplekse në kohë pa cenuar cilësinë e punës së kryer.
